ياللي عيونك زرق ربي خلقها=تزرق قلوب اهل الهوى في الهوى زرق
سبحان رب(ن) بلحلايا فرقها= عن كل باقي جنسها فارقه فرق
العين يوم الله بوجهه شرقها=زين مدامعها ووسع لها الشرق
ورموشها ماسويت مع حدقها=تجذب من القبله وتجذب من الشرق
ياويل قلب اللي يصيبه مدقها=أصوب من البلجيك واسرع من البرق
لو تندرق كلن بجهده درقها=لكن ماتعطيك فرصه على الدرق
حورية(ن) عيش الشقا مالحقها =ولاً أبوها طارقه وقتنا طرق
ماهي خواجه ماتخفى بهقها=ولاهي من أهل الطار والعود والاورق
من عزوة(ن) نهار خذها ودقها=حريبهم وقت اللقا ينحرق حرق
ولاأقول كل وصوفها من عمقها=يمكن يجيها من خوال أمها عرق
أجمل سنين العمر مني سرقها= ولالوم قلبي لوسرق صحتي سرق
ياحظ من هو وسط كرته رفقها=أغنى من اللي كانز الحمر والزرق
واللي برك حضه بعد ماعشقها=يبكي على حظه ويناجي الورق