مفروض تكتب فعتقال السّنوسي=اللي بغا يغتال قايد بلدنا
من بعد غرّر به غريب الطّقوسي=لنّه على طيب القياده حسدنا
ولنّ المكر والخبث فيه امغروسي=يمكر لنا واحنا عنه مانشدنا
ويزيد خبثه خبث خبث المجوسي=واحنا له بطيب الفعايل جهدنا
وبعد اعتمد بالغير شرّ النفوسي=حنّا على ربّ السّما معتمدنا
حتى بلاه بوقعته بالطعوسي=بنهايةٍ بشعه لها ماوددنا
يوم ٍ نهاره قمطرير ٍ عبوسي=في صدقها كلمة ملكنا شهدنا
وماهي شماته في نصيب امعكوسي=عن دربها ياربّنا تبتعدنا
واللي يدسّ الحقّ رجل ٍ نحوسي=والحقّ اقول انّه شجاع وسعدنا
لنّه ثبت وقت القتال الضروسي=ماساب داره حسب فيه اعتقدنا
وياشاعر ٍ هاجسه طابق هجوسي=لولا جزالة قافكم مانشدنا
مفروض تكتب فعتقال السنوسي=وسجّل لنا فيه انتصار لبلدنا