سلم على الواتس اب مدنق الروس = ليا حضر ما فيه احد يتكلم
خلا مجالسنا بلا هرج ودروس = مثل العزاء ماغير ناقف نسلم
كلن جهازه بين ايديه ويحوس = احدن جديد العرف واحدن معلم
اللي يقول بخير والشر محيوس = واللي شياطينه منه تعلم
هذا زمانن يشترا الذنب بفلوس = بلمسة الاصبع يجيلك وتسلم
ماقول كل الناس والخير ميؤوس = أقول يارب المخاليق سلم

جتني من الصاحب مراسيل وعسوس = ومن وضعنا الحالي كثيرن تألم
بعض العرب أصبح بالوتس اب مهووس = خلا حلال الشىء ويتبع محرم
صحيح به شين من الخير مدسوس = لاشك به جانب عن الخير مظلم
الواتس جانا جيت الغزو جاسوس = غزا العوايد والتقاليد حطم
جتنا مغازي يمة الشرق والروس = والغرب وأمريكا علينا تقدم
هذا الزمان اللي به الوضع منكوس = شاخ الردي ويقال للعبد يا عم
واذناب خلق الله تعلت على الروس = شفت العراق اللي حكمها معمم
جار الزمان وصابهم وضع منحوس = عقب المعزة صاروا العرب في هم
حماة مع درعا وحمص(ن) وطرطوس = عاثوا بها من من كل قاتل ومجرم
شبيحة الظالم نصيري و ماجوس = واحزاب لأبليس(ن) عليهم تليم
الفرس والماجوس وشيعتهم تهوس = غزت أراضيهم وتسفك لهم دم
تجهز لهم ذري وسنت لهم موس = حربن على الاسلام والخافي اعظم