بسم الله الرحمن الرحيم
هذه ابيات قلتها بالاخ / غازي بن هادي بن بشار العلوي الحربي لمافيه من الخصال الحميدة
من كرم و فزعة و حمياء و تواضع للكبير و الصغير .
و كل ما امر مع الشارع اجد باب البيت مفتوح و النشاما اللي شرواكم عنده .
و عندما زارني في منزلي قبل ايام ثارة قريحتي بهذه الابيات لعلها تحوز على رضاكم:
يامرحبا يابو فهد ياهلا بك = حييت ياراع الوفاء و الجمايل
يافرحة اللي باللزوم اعتزابك= لاجاء النهار اللي به الوقت مايل
قولت هلا . يامرحبا . من عيابك=ينصاك من ضاقت عليه المحايل
ياللي عن الزوار ماصك بابك=وسيلة(ن) لك من خيار الوسايل
دايم قصير البيت يشكر جنابك= و لاخير في هرج(ن) بلياء دلايل
إليا جيت ديوان الرجال و حكابك= عدوك من روس الرجال الاوائل
عضيب بن هليل الحربي