هزيم الرعد =
ســلام وافــي ولا بــه مـيــل = ينصـاك يـا حضـرة الـربـان
محلاه ليل الصفا من ليل = فملاعب القاف والأغصان
احمد الغانمي =
ترحيب طال القمـر وسهيـل = من قلب سالي لكم نشطان
ويشوقـنـي حـرفـكـم بالـحـيـل = وإستعذبـه يــا رفـيـع الـشـان
هزيم الرعد =
تبقى ومثلك يجيد الكيل=أطربتني والفكر نشوان
عندك خبر عن صهيل الخيل=وأقدامها تحفر الميدان
احمد الغانمي =
الطيب يشبه نسيم الهيل=وإنته لحلو المثل عنوان
يا اللي تخيل المطر والسيل=هات الخبر وإشرح اللي كان
هزيم الرعد =
كان السبق من شمال هذيل=وربحت بعد الجهد نيشان
سابقتهم بالحصان شهيل=وإنته مغيّب عن الفرسان
احمد الغانمي =
شرهتك للي يسوق شعيل=لو غط نجم المجرة بان
وميعادنا في شعيب الويل=إن كان ذاك الحصان حصان