ســــلام بالعـــود المعـتـق مــعــطــر=يفوح من جمره ما هو عطر جره
ويعــوم مثل الغيم من عودٍ اشقــر= تحته جمر والريح فوقه تكره
من يتعطر بـه مع السـوق لا مــر= يعطر اللي في طريقه يمره
من العاصمه يبحرتقل عاصفة بر= كن الرياح محركاتن تجره
جــو- القصــيم يعـطــره ويتحــدر=وقبل يهبط ياخذ على الرس فره
اهـديـه – حـرٍ- للمـراجــل تصـــدر =الطيب بن سمار مسعد مقره
اوصاف حر وفيه من وصف الأبتر=إن هد والاهاش من ناش ضره
ومثل العسـل والبن حالي على مر= مره اعلاج وكيف للرأس مره
ويفيض مثل الغيث من مزنه الغر= مثل البحرماينقص الغوص دره
كبرى العطـايا عن عطـاياه تصـغر= في بطن كفه ديمة مستمره
من اجواءالفصول الأربعه ما تأثر= في وسط خط الأستواء مستقره
وان قلت تكفى يابيض الوجه تبشر= جاك الفرج لا – لا تباطا تحره
ويده -لو تلمس يابس العود يخضر = ورجله لها مع سكة الخير جره
من الـوالـدين لـضيفه وجـاره ابـر= وللخوي جنة خلد في وصف بره
و من النجوم الساطعه بالسماء اشهر= من يقتدي به بالسفر مايغره
وللشـــعر حــط بهـامة المجـد منبر= يديرها عبر الفضاء بالأزره
مرقـاب –حر- لكل حر- وفكر حر =دره علينا كل جزلٍ تدره
وشارك رجالات الوطن بالتطور = اسمه يلوح بهامة المجد غره
ومحـافظـات الممــلكة فيـه تفخر = من كثرماسوى لهن من مبره
والشعريصخرله وانا منه أصخر= أعقود درٍ صفحته صدر حره
اليا لفحت في صدرها الريح تظهر = على النحر مثل انجوم المجره
ارسم بهن بين الخلايق له اصور= منحوتة على ظهر صخر حره
اليــا قراهن ناقــد الشـعـــر كـبـر= يلقى بهن من حكمته مايسره
ما قلت حق وغطة الحــق منكـر= و الحاسد الله يدفنه وسط شره