يا صاحبي فالعلوم علوم
قلبي يحبك و ياويلك
جافا عيوني لذيذ النوم
من يوم غابت مراسيلك
الشوق جوف الحنايا يعوم
يعصر فوادي و يبكيلك
يبكي ودمع الوله محموم
وتمسح دموعه مناديلك
سلّم سلاحه و لك مهزوم
يا حب من زود حبي لك
لا تعاتب العاشق المحروم
وده يفضفض و يشكيلك
يانور عيني بلاش اللوم
اشعل في صدري قناديلك
لنك قمر من وراك نجوم
فالكون ما حدن يلاديلك
لا تحسبًّ الغـــلا مـزعوم
انشد لعيني و تحكيلك
كل البشر كوم وانت كوم
ما حدن يوّصل مواصيلك