المشاركة الأصلية كتبت بواسطة فواز العمري

اخواني الاعزاء اعضاء وزوار ملتقي حرب
اضع بين ايديك هذه المشاركه امل من الله ان تكون بالمستو المطلوب
شاكر كل من شرفني بمروره الكريم

الرجل قالوها لسانه حصانه= ويارب جنبنا رداء كل منطوق
اسألك يافردن تعلى بشانه = ياحي ياعالم خفا كل مخلوق
امنت به وايقنت به واستعانه = قلبن غدالهموم بقعا تقل سوق
من مايشوف وحس باخر زمانه = يالله بجاهك عن غثا كل مطفوق
البارحه فكري سراء مع بيانه = شاعر واسري كل معناء وطاروق
ماهي سوالف ليل دانه لدانه = ولاهي بعد من دافع الوجد والشوق
يبغا لها حـنكه وتبغا فطانه = فرايدن صفــــيتها ياهل الذوق
والشعر ديوان العرب له مكانه = مكانته عند العرب ترتقي فوق
ورث الجدود وفي يدينا امانه= ومن بعدنا بعيالنا يكمل الطوق
ويامن تقول انك اميــــن الخزانه= لا انت الزعيم ولا على الملك فاروق
من عرض خلق الله ونفس الديانه = من طين مثل الناس يالسييد صفوق
هذي رساله واعتبرها ميانه= اترك سبيل الناس واقعد بلا عوق
وعمري ومقــــسومي ورزقي ضمانه= عند الذي من مده العبد مرزوق