المشاركة الأصلية كتبت بواسطة شموخ الاصيله

يا الله تورينا العجايب بـ بشــــــــــار
خله لغيره عبرةٍ مثل فرعــــــــــــون

أطلبك طلبة مؤمنٍ غافلٍ غــــــــــــار
مصبحه جيشٍ بالاعتاد مشحـــــــــون

عود ٍقضى زهرة شبابه بــــمشــــــوار
يعلم بحاله عالمٍ كل مكـــــــــــــــــــنون

رحلة شقى عمره بداها من اصــــــفار
واكب قسى الدنيا على العسر والهون

يواجه الصعبات في عزم واصــــــــرار
يرجي من الله مثل ما الناس يرجـــــون

يجني ثمر مجهوده من ابنه البـــــــــار
ياقف بجنبه لا غدى تقل عرجــــــــــون

يوم انتهى واقبل يبي قطف الاثمـــــــار
في ظرف ساعة يلتفت ما لقى لـــــون

راحت هباء منثور بيدين الاشـــــــرار
من فعل ملعونٍ طغى وابن ملعــــــون

ملحد ومتكبروظالم وجبـــــــــــــــــــار
ماهو على ملة عمى قلب وعيـــــــون

دينه محلٍ له هدردم الاحـــــــــــــــــرار
دين الخرافة في مباديه مطعـــــــــون

مبني على الشبهات والخزي و الــعار
مبطنٍٍ ما هو على ساس وركـــــــــون

مطبقه بشـــار في كــــــــــــــــل الادوار
يلعب على الحبلين ماهو بمامــــــــون

لاناصرٍدعوة ولا خــــــــــــــــــــادم ٍ دار
ما يخدم إلا أبناء الخميني وشــــــارون

لو به وفا واخلاص للشعب ماثـــــــار
شعبٍ يليبه ما توفق بــــــــــــــهالكون

وراله الويلات وأسقاه الامـــــــــــرار
الله يصبرهم على اللي يشوفـــــــــون

شعبٍ صمد شد انتباه اهل الانـــــــظار
بإيمانهم لا اقوى سلاح يتصــــــــدون

ناقف لهم تقدير واجلال واكــــــــــــبار
اخواننا في ديننا مايـــــــــهونـــــــــون

يا أمة الإسلام ما تفيد الأعــــــــــــذار
كثرت قضاياكم ورى ماتحســـــــــمون

هموا وعيدوا مجد الأسلاف ياخــــــيار
الوضع متدهور ومــــن دون فــي دون

وش تحترون ايصير عقب الذي صــار
القتل عشوائي هدفهم يصـــــــــــــفون

قوموا على عرشه و شبوا به النــــار
خلوه عبرة للطواغيت تكــــــــــــــــفون

أسقوه من كاسٍ سقى منه مليــــــــــــار
حتى يعرف الوقت داين ومديــــــــــــون

...شموخ الأصيلة..