|
|
.. طال السكوت ..
السلام عليكم ورحمة الله وبركاته
صباح النقاء يأهل النقاء .. نص أتمنى أن ينال على إستحسانكم
(طال السكوت) اللي على دربها طال
................. وراح الربيع اللي يشابه "خريفه" !
واللـي تـــقــاطـــعها منافق ..ودجّال
................. والــلــي يــقــيّمها .(عيونه كفيفه)
والمكسب الراجح على كل الأحوال
................. من دونه الحاجز! ويرفض لأضيفه !
مرت سنه . ماكنها غيــر وبّـــال
................. يسوق ذوده لــديــار المــريفه
إلى متى والصمت . ياطولة الــبال؟
................. والى متى والصدر ماعاف ضيفه؟
(سكين ظرفي) تطعــن (ظهــور الآمال)
................. وسفني على عكس "الرياح العنيفه"
جواب كيـف الحــال؟ ياجاهـل الحال!
................. يجــبـر على (كذب النـفوس العفيفه)
ياهــم راع الــمــال .. ياروس الأموال
................. وش هم من يجــمع شقاه لرغيفه؟
والله مالـــك يالــمـــشــاريــه مدخال
................. مير إعـــبــري دام النـوايا شريفه
وش عاد لو كثرت على الراس الأقوال
................. الراس صــاحي .. والصـحايف نظيفه
"طموح" من يثــبـت كــلامــه بالأفــعـال
................. عيـّـا شــمـوخه .. يلتـــفـت بالضعيفه
لعيون ذيــك (الجــوهـــره) بنت الأبطال
................. ولاطاحــــت منــيفه .. تعلت منـــيـفه
من هاب شيل الحمل من قبل الأحمال
.................ماهو بــقــدٍ للحــمــول الــكــلــيفه
ومن هاب درب العز نظراته .. أقفال
.................ومن هام درب العز عزه حليفه
أخوكم : محمد الحربي
الأحد 1433/6/8
|