المشاركة الأصلية كتبت بواسطة حسين مريع العبيدي

ياوردة حمرا بها العطر فواح= محلاك من بين الورود الجميلة
ياللي عبيرك مع نسيم الهوى فاح = بلسم يداوي للكبود العليلة
ياناعمة لاشافك القلب يرتاح= واريد قطفك بس مافيك حيلة
قلبي هواك ودونك الشوك جراح= وانا متيم فيك وابغى وسيلة
لو زاد سقم القلب من كثرالاجراح = لافاح منك العطر يشفي غليله
ان ماقطفتك رحت من عرض من راح= واعيش مثل اللي مضيع دليله
والي بقي من عمري اقضيه سواح= واشد من بيتي واجي في الخميلة
عسى لياهبت نسانيس الارياح = ماحل في قلبي عبيرك يشيله
واللي شمت بي فيك ياسرع ماطاح= لاشاف ماشفته يلاقي حصيله
لوكنت انا نجدة لياصح صياح = شجاعتي قدامك انتي ذليلة
غير اتوسل وارتجي منك الاسماح =ون جاتنا منك السموحة فضيلة
اقطفك انا واعيش والقلب مرتاح = واقول انا عديت راس الطويلة
واسعد بشوفك في مسايه والاصباح= واخذك وارجع للبيوت الضليلة