أبن وازن =
زله مع القلب في ذاته = ومازال قدره مع الاخوان
تسعه وتسعين زلاته = صاحبك قله بعدها كان
البيرق المنصور =
عندي برامج محطاته = ولاشك مازال فالاعيان
ولا تحسبنك منآساته = متعمده جات ياشيهان
أبن وازن =
العلم فالغيب نياته = احمد تعوذ من الشيطان
افتح مراجع ملفاته = وانعدل الكف بالميزان
البيرق المنصور =
ماني في قلبك وجواته = لاتروح بي في بلد نعمان
بعد انقطاع اتصالاته = اخوك خلت به الاوازن
أبن وازن =
مايلحقه الوفاء فاته = مايطلع الزرع فالصبخان
أختر عرب والقمر ساته = والا الاوربي ونايل فان
البيرق المنصور =
ابـلـشـتـنـي فـــــي مـتـاااهــاتــه = ولانــي بـكـاسـب ولا خـســران
وكــانــت مـابـيـحــت شـفــراتــه = لاشي ( ولينا )ولا (عدنان )
أبن وازن =
أرض الامل من طموحاته = سيطر على ارضها الدفان
لا ذاق عمروس طبخاته = هل ينفعه نامغ القبطان
البيرق المنصور =
ماينفعه دام راياته = غدت تحت سيطرة ثعبان
على كذا فيك هقواته = ماتفيد يا باشه السلطان