أبن وازن =
سلام من عاصفه هبت = يسريبها شوق ناصيكم
نقري تبارك قبل تبت = فالوضع ان كان يرضيكم
ابو وائل =
ترحيب من يوم ماطبت=تشرف على العلم وتجيكم
ان كانّه علم ومثبت=أقرب وعطني دعاويكم
أبن وازن =
النار اشعلتها وشبت = من خيرها الرب يعطيكم
تبت يدين العدو تبت = اللى بحث علم واديكم
ابو وائل =
في وجه من شبها قبّت=من حرّها الرب ينجيكم
بعد المواجيب ما انكبّت=والطيب صافح أياديكم
أبن وازن =
لما المعاني لنا انصبت = جانا الزرى من بناخيكم
بعد البحر كسرته انكتبت = منهو نقلها معاليكم
ابو وائل =
المشكله شوكها نبّت=بعد ارتوت من سواقيكم
واليوم أشوف العرب لبت=دعوه ولكن ممديكم
أبن وازن =
دعوة وفيها العرب لعبت=من دونهم جيت اقاضيكم
وآشوف المسألة ذهبت=عن مقصدي الذي فيكم
ابو وائل =
على الصفا قلوبنا شبّت=بصدق السنتنا تحاكيكم
وقلوبكم عكسنا خبّت=والقول واضح واماشيكم
أبن وازن =
من طيب الروح وتربت = وعلى النقى قول نوفيكم
بعلمي اذا النفس ما رغبت = معذور.. والقلب شاريكم
ابو وائل =
يامحسن الروح لاحبّت=سلم الصفا الله يحييكم
ومادامت الطيبه نبّت=الوافيه سلم نعطيكم