برسم الود صادق طاف نبض الوجود=من مشاعر تعانق روحي النرجسيه
آه والحب قصة تبتدي بالوعود =فصل فيها عذاب وفصل فيها اذيه
بس قصه غرامي مالها من مدود=كل ما ابعدت عنك ازدادت الجاذبيه
انت كسرى وجودي قيصري النفوذ=انت شاعر وشاعر بالذي صار بيه
فكر ناضج محنك في بساله اسود =تنطق القاف واثق بالاحروف الابيه
تشبه النور في الظلمه بليلة برود =وتشبه الغيم في الصحرا بوقت الضحيه
وتشبه الماء في وقت القيظ يروي الكبود=انت منته ملك لكنك اكبر شويه
كل فعلٍ وله فعلٍ مخالف ردود =وجتك ردة فعل للصمت صرخة قويه
توقض الروح لانامت بجوف الجسود=وتستثير المشاعر كلها لك حميه
هاك قلبٍ يحبك حب فيه الخلود=مايفارق مجال النبض في خافقيه
يرسل الشوق صوبك والمشاعر وفود=يتحرى هطولك شعر في شاعريه
تدري اني احبك وانت سر الوجود =واعلم اني معذب وانت اصل البليه