هذه القصيده مهداه إلى الاخ / محسن سعد المخلفي قد نعجز عن الوفاء ولكن لانعجز عن الشكر
بيض الله وجهه ابو ماجد وابوه وجده=فزعتي وقت اللزوم ومحزمي وزنادي
يوم اسندها على محسن جزيل المده=راس من روس المعدي ينطح الاضدادي
البشوش اللي علامات الكرم في خده=يرتكي لي لاحداني من زماني حادي
رفقته رفقه سنافي بالرخاء والشده=ماتغيرها السنين وهرجت الحسادي
ياقصيدي بالسلام وبالتحيه بده=سوق له عذب المعاني والطروق جدادي
المديح يليق بمثاله ويمه عده=من معازيب الثقال ومنسب الاجوادي
طيب راسه ياقصيدي ما وصلت لحده=الجماله عند راعيها ثمنها عادي
كم نخيته وانتخالي والليال مصده=الله انه يجعل ايامه فرح واعيادي