البارح الفكر مدري وين وداني=في كل وجهه هواجيسه يسجنه
هوجاس يقفي ويقبل واحدٍ ثاني=والقلب خارت عزومه يوم دكنه
والحي هادي وكنه دون سكاني=ماغير نور القمر كنه ولا كنه
وين انت ياللي على لقياه مناني=بين عليه التعجب لاضحك سنه
لمحة رمز المحبه وسط الاعياني=تنبي عيونه عن الخافي ولو كنه
عطشان ضميان مابليت شرياني=وزمول شوقي على وصله لها حنه
لوهي على نهر دجله كان ما ارواني=لو كل حزه يمرنه و يردنه
ماغيره احدٍ هويته والعمر فاني=لاكن عسى الله يعوض العمر بالجنه