يكفيك نوم اصحى و ريح فوادي=مشتاق لمقابلك و اسمع حكاويك
اللي مضى كنك عن القلب غادي=واليوم انا مشتاق لمسة اياديك
لو غاضني فيك العدو و المعادي=اصبر على فرقاك و ابلع تحديك
عمري انتهى ما باقي الا الحصادي=وانته على شبتك قلبي يهنيك
انا الصبر بلواى و النوح زادي=ما غير طلباتي عسى الرب يهديك
اقضي حياتي بين سهر وازهادي=لا وين ما تسمع لخلٍ يناديك
لا وين ما تترك كثير العنادي=وتترك همومٍ ما تبي كثر تحريك
ندعي لك اللي للمخاليق هادي=ولابد في حبي صديقك يعزيك