أقول ياحظ الملابس تظمك=ايه اعترف من لبسك اصبحت غيران
مهما ابتعد لابد يرجع يلمك=ماكنه الا مبطي(ن)عنك ولهان
واغار حتى لو ضحكتي مع امك=مابغى حنانك يهتني فيه انسان
لايخدعك ناس بوصلي تذمك=عاداتهم تفريق مابين خلان
مادام حبي سارين وسط دمك=أقبل على منهو على الوصل شفقان
تدري بحالي كان حالي يهمك=يبقى بدونك مغترب ماله اوطان
ولو به ظروف تمنعك جيت يمك=غير الولي ماردني كاين كان
متى القدر يازين يمي يزمك=متى على الله تنجلي كل الاحزان