ياهاجسي يالاصيل الحر = اكتب على الطرس مجروره
فبحر الهجيني نويت ابحر = بحار و اغوص فبحوره
دوك الخطر ياالفكر واظفر = ببيات فالوقت مأثوره
اتباها فالطرس واتمخطر = ونفوس الاحقاد مقهوره
لوكان دربي ماهو اخضر = والارض وحله و ممطوره
ما يردني خطه الأحمر = ولا اخلّف على القن دستوره
وان مّتْ ياصاحبي مُأجر = والنفس قد قيل منصوره
والحق لابد له يظهر = لو كان من حوض نافوره
اذكر على قصتي واخبر = وكلن يفسر بمنظوره
البارحه جالسن فالبر = وضو القمر خافتً نوره
جالس لحالي على ماذكر = افزعني رجال بحظوره
وجهه حسّن مظهره مبهر = مرعب برجلين مبتوره
لوني من الخوف صار اصفر = مالومها النفس معذوره
فزيت ثم قلت له احذر = آنا من اذياب مسعوره
ان كنت جني تراه اقدر = ( اكلك والروح مهدوره )
وان كنت انسي ألآ تذكر = تاريخنا ناصع الصوره
فعج الرمك سيفنا يقطر = من دم فرسان منحوره
يوم الملاقى و فر و كر = اجيوش الاعداء مدحوره
اسود فأرض الوغى تزأر = وافعال الاجداد مشهوره
الفرس والروم والبربر = تشهد على افعال مخبوره
القلب قاسي ولحمي مر = ولا زالت الدار معموره
قال انثبر يا ولد واصبر = اليوم الاوضاع مدموره
وآنا ترا الحاظر الاغبر = ازحف برجلين مبتوره
هذاك جيل الله الأكبر = و انتم ترا جيل شحروره
قد انثلم سيفك الابتر = ما غير ففراحكم دوره
رحتو رعاي بَنِ اصفر = تمشون مع ناس ماموره
ثم قلت في وجهك الأعفر = لا تكشف اوضاع مستوره
خايف على الراس لا يبتر = وش حيلتي فمجلس الشوره
ولاحدن معي شاهد المنظر = والناس ماتصدق اسطوره
والجو فجأه علي امطر = و طارت من القرب عصفوره
يوم الفجر للظلام ادبر = واني وسط دار مهجوره
الفكر من ما جرى مفتر = مــدحرجً كنه الكوره
عيا يهدي و عيا يقُر = في داخلى اعلن الثوره
وين التقي طيب المخبر = من شان ناتيه وانزوره
عل وعسا للكسر نجبر = ونعرفّ وش اسبابها اكسوره
والا ليا مات له نقبر = اقلها اندز شرشوره
وناخذ عزانا وله نشكر = حاول يوّضح لنا الصوره
وحاول يسوي الذي يقدر = يعني بذل كل مقدوره
/
/
وسلامتكم
/