ليت انا و انت يا خلي انتبادل بالقلوب
لجل تانس نار شوقٍ في خفوقي حارقه
و تدري اني لك وفيٍٍّ صادقٍ ماني كذوب
يوم اقول انت الحبيب اللي مُحال افارقه
و ترفق بحالي و تاتي قبل لا يحين الغروب
والله ان وقتي ثمين و لجل عينك سارقه
لك معالم جوف صدري ما تحركها الهبوب
راسيه مثل الجبال و شمس ودك شارقه
لدّ عينك فالشمال و لد عينك فالجنوب
شوف وش كثر المراكب في بحورك غارقه
انت طاغي زين ياخي خاف ربك فالشعوب
بسمتك مثل الــــــــخيال اللي يلالا بارقه
تدري وش اكبر عيوبي اني عن ودك ما اتوب
و كل بابٍ في وصـــالك و الله اني طارقه
وتدري وش اكبر عيوبك انك انت بلا عيوب
وانك انته الخليل اللي محــــال افارقه
/
وسلامتكم :