المبتلى وين يلقى طب = يشفي من الجرح وآلامه
محتار بين الصبر والحب = والعمر في آخر أيامه
الحب للي كمانا غلب = يزيد الاسقام في عظامه
احذر فبحر الغرام تطب = العمر اسعى على ختامه
تايب عن الود ومجنب = والليل مانترك قيامه
لكن نسيم الموده هب = واجتاحني سير باقدامه
لو كنت فالود ماترغب = ماكان تشتاق لليامه
لكنك ابعد قبل تنشب = قبل الهوى ينصب خيامه
القلب يشكي لهيب يشب = واعطيتكم آخر أعلامه
قلبي وقع فالغرام وحب = كيف اتخلص من أسقامه
الود راهب وكم أرهب = يحكم ولاتنقض أحكامه
لكن منك السعي مطلب = والود ماتجهل نظامه