@ مطرز الحرف
كل ماأعتلى صرح وجداني *** وتوافقت كلها أطرافه
ألقى أعتراضات بالعاني *** ماودها تحقق أهدافه
@ توفيق البلادي
ترحيب من صادق لساني *** باللي على الطيب ميقافه
وش قرب الحاسد الجاني *** وضح لنا كامل أوصافه
@ مطرز الحرف
عسى البقاء ردها ثاني *** والوضع زادت به خلافه
ذاطبع مايشرف إنساني *** ولا يقابله دوم بأجحافه
@ توفيق البلادي
للأن وانا على ماني *** والبحر مابانت أصدافه
واخاف الأحكام تحداني *** مايحكم الحكم بأوهافه
@ مطرز الحرف
لو إنه السد دخلاني *** ولا بحتلك كل ماشافه
قلبي على الود هناني *** والقرب أجزم بمحرافه
@ توفيق البلادي
دام الأمر فيه قولاني *** وكلاً بجهده ومجدافه
خلك سياسي ودولاني *** تسلم عضى الوقت وأنشافه