ابو خالد = الفريدي
ياسعـد يابـو تـركـي فـيـه عـلـم وجـوابـه = وان تغالظلت هرجي فانت حلمك عليه
مـانــحــب الـتـســلــط والاذى والـنـهــابــه = ولالـنـا بالـغـلـط ومـجـابـه الـنــاس نـيــه
سعد = المحمدي
ياعلي جيب علمك والسوالف تشابـه = يـاعـريـب الـجــدود وياكـبـيـر الحـمـيـه
كان صحة علوم اللي وصلنا خطابه = قلـت راع الحسـانـي مايـجـازى بسـيـه
ابو =خالد
فيه رجل تجمل مـا نصفـوه القرابـه = قبل يكمـل مسيـره لفقّـوا لـه قضيـه
فيه ناس تخطط علمهم مادرى به = اثر سـاس المشاكـل كلهـا طايفيـه
سعد= المحدي
يمكن أخـلاف ربعـه عنـد كثـرة ثيابـه = يوم في جلد داب ويوم في جلد حيه
علمكم مادرينـا عـن خطـاه واصوابـه = قالـو القـوم ليـه عـكـس ماقـلـت لـيـه
ابو =خالد
الثيـاب النظيفـه مـا تسـبـب حـرابـه = وانت عندك علوم ريحها ريح سيه
تـقــل ودك تـوكــل لـلــردي بالنـيـابـه = كل هرجك وعلمك مثل مقلع طميـه
سعد = المحمدي
عودنا عود طيب مثل قوس الربابه = ريحنـا ريـح هيـل ومحتميـن الرعـيـه
الـردى مانماشـي كـل واحــد مشـابـه = خـلـهــا يـالـفـريـدي بـيـنـنـا شـاذلــيــه
ابو = خالد
ليا جفتك الديار وشفت عوجا طلابه = بــــدل الــــدار بــديــار جــديــده عــذيــه
غـن كسـره لغيـرك وارقـصـوا ياشبـابـه = غـاب نجـم وبدالـه حـل طيـر الحـديـه
سعد= المحمدي
انت بالدار ذيبٍ من كبار الذيابـه = ماتـهـمـك ربـــاع وماتـهـمـك ثـنـيــه
غرك الفهم مدري يالزميل الكتابـه = مير جعل الدعاوي غلطةٍ مطبعيه
ابو =خالد
ارعـدي يـا سحابـه ومطـري ياسحابـه = مـن يـوزع هدايـا خصـنـي فــي هـديـه
انت تونس براسك مار مالك عصابه = والـكــلام المـسـمـم يـعـتـبـر عـنـصـريـه
سعد =المحمدي
صاحبي لو نفتش كل ليله زهابـه = القنـابـل نحصلـهـا مـــع المـزهـريـه
كل سيفٍ وعزه ياعلي من نصابه = اه يالكلـمـه الـلـي مالـهـا صيرفـيـه
ابو = خالد
ياسعد به قعود مابعد شق نابه = ارسلـه واحـد مالـه ورايـه دعـيـه
القنابل لغيره مارهو ضاع ادابـه= تهمتك ياعميلي مـا لهامرجعيـه
سعد = المحمدي
جيـب مايثبـت الموضـوع ونـفـك بـابـه = كلـمـة الـحــق تـفـلـج كـلـمـةٍ عنجـهـيـه
ويش رايك نعالـج جـرح ضـاع الدوابـه = بين عيد أرمضان وبين عيد الضحيه
ابو = خالد
والله انـــك عزيـزوعـنـدنـا لــــك مـهـابــه= مار بعض السوالف تقل ماهي صريه
تطلب اثبات منـي والبشروصـط غابـه = اجمع العقل واقصبها تـرى النـار حيـه
سعد = المحمدي
بيـن كــل الرفـاقـه مانـحـب المجـابـه = يـعـلــم الله والـنـيــه تـسـمــى مـطــيــه
مطلبي خلها تضرب وسيع الدعابه = كـــان ودك عـــلاج الـعـلـه الباطـنـيـه