يابشير مبدانا على نهج معدال=واللي يخاف الله فرضه يقيمه
حنّا على درب المروّه والابطال=نمشي بنيّه واضحه مستقيمه
ولاني بهايب محرف القيل محتال=مادام ممشايه بنيّه سليمه
ارقى واعزّ النّفس عن سوّ الافعال=ومن عزّها يلقى مع النّاس قيمه
يابشير خلّك مثلنا تبشر بفال=يقوى ويهزم بالمخاصم خصيمه
ولا اتجالس الا شهم من منسب ارجال=هذاك ماتلقى بقربه هزيمه
ومن عادة الرّجال يفعل ليا قال= الحقّ قوله والمجامل ظليمه
وابعد عن مساوم ضميره على اريال=واعرف ترى فعل التجسّس جريمه
لن التجسّس طبع في دم الانذال=مايعمله ياغير راعي نميمه
والا عزيز النّفس والجيّد الخال=مايقربه لو شاف فيه الغنيمه
واحذر وقطع الرّزق متبوع بهوال=يلقى بها راعيه بالوى جسيمه
ومالك ومال النّاس كل ٍ وله حال=وعقولهم مابين فهم وغشيمه
والحسد يحسب لك مرض قلب واخبال=ماهو لنفس ٍ بالمقدّر فهيمه
ولا تلتفت للي يغيضك بالامثال=وقتك يسرّك كان عنّدك عزيمه
واسلم وصلّي عدّ ماهل همّال=على النبي اللي رضع من حليمه