سلام الله سلامٍ بدون قياس وحدود = طليق جناح محدٍ يرده عن مساره
الا ياحرب لن كان سعـد اليوم موجود =تراني عند خط البدايه في انتظاره

هلا يامرحبا في محل أصقور وفهود=ترد السارح اللي سرح بأول نهاره
الا ياصحابنا عارفين النقص والزود=حضرنا ويش عندك من علوم وشطاره

بقا بلاشقا والوفا والطيب محمود=عند أهل الطيب والجار قدره عند جاره
وفينا ماهفينا قديم ونكسب الفود=وكيد اعيونك اتشوف غاره بعد غاره

عن الدرب المعبد مشيت بخط مسدود= عطيناك الخبر وانت تفهم بالاشاره
ماذم أهل الكرم والوفا والرب معبود=قبل ذاك المشيد بنا زود ونعاره

أنا افهم وأنت تفهم وخلق الله ترى شهود=لكن اللي كسب مايفكر فالخساره
ماينذمون وأهل الحسد والبيض والسود=مافيهم طيب فيهم تخلف مع قشاره