سـلامي للـي حـضر وللي راح عـله للطـبيب=الـشاعر اللي مثل نقـده مال بيته ينقـده
بعـض الـرجال يغـيب مـاحدن يفـقده مهما يغـيب=واللي مثـل صـياف حـين يغـيب كـلن يفـقده
يـامرحبا ترحـيبتن تـرمي ومـرماها يـصيب=الآدمـي يمـشي على هـونه وربـه يحمـده
الـصاحب اللي يذكـر اصحـابه مع اليوم الصحـيب=لاشـافله طـرقي قـضب من هالعـلوم وينـشده
إن كـانت صابـت من جـهد قـول ماحصل شيء غـريب=وإن كـان صابت من جهـدنا ثـابته ومرشــده
عز الله اني مانـسيتك ياصحـيب اغـلى صحـيب=والآدمـي في دبـرت الله لو بـغى وش في يـده
يـاكثرها بـيني وبينـك وش تـودي وش تـجيب=والـيوم الأول راح مـادري وش يجـيك ابـعده
بـاكر تبا تمـطر مـزون الصـيف ويسـيل الـشعيب=واللي معـه حـبلن طويـل يفــسره ويـورده
حنـا تـرى على وضـح النقـا والله رقـيب=صـياف جـاب اجهـازه والعـازمي جـاب اجهازه
نـبي نعـدي للجـبل مـدام ذاك فـيه ذيب=والذيـب مـاكل الذيـابه لو طـردها تـطرده
النـاس كـلن يحـتزم بالـسيف ويـدور طـليب=صـياف وحبـيب عـرب كـلن يفتـش بزنده
مـادري يطـيب العلم شـان الوقـت ولا مايطـيب=والعـازمي مـادري يحل الحبـل ولا يعقـده
مهمـا يطول القـاف صـياف لابده يـشيب=والـرميه الصح اللي تجـيه في مرقـده
إما حـضرت سمن عسل وانا حضرت طاسه حليب=.......الـباب والــشايب يـزكيـه اولـده
تبـا تحـضر ماتبـا إن كـان لـك حـظ ونصـيب=لكـن ماحـدن يحضـر لك سمـن وعسـل ويفـرقه
إن كـان مايصـد عنه البعـيد يصد عنه القـريب=ويكـفي الرجـال ضحـكه داعي ربـه يقـرده
الحـظ زاد المـرجله والمـرجله ماهي بعـيب=ياقاضي الدعوه ترى الحجه وراها مسـانده
دور وتلقى بالعـرب هذا شنـب هذا شنـيب=ومطـوع السحمـان يعرف روضـته في مسـجده