ياهيه ياللي كلمتـك مالها سـاس=وتقول لـي قـولٍ ترانـي فهمتـه
الشعر ماهو راس مالي مع النـاس=ولاني بحاسب له لوأنـيٍ نضمتـه
أنا رصيدي مكسبـي كـل نومـاس=الطيب راس المـال والعـز همتـه
وخوة رجالٍ تبعـد الهـم واليـاس=يعجبـك واحدهـم لامنـك زهمتـه
ومجَالس الطًيب لي أعـز مجـلاس=ودرب العلوم الغانمـه قـد لزمتـه
والا القوافي نظمها يوجـع الـراس=لوانها تجلي عـن الفكـر صمتـه
أسلي الخاطر بها واطـرب النـاس=وأن شفت لي موقف بقافي رسمتـه
أصخر بيوت الشعر من فوق قرطاس=والهاجس اليا من بغيتـه عزمتـه
هذا الكلام اللي بنيته علـى سـاس=والا كلامـك لـو بنيتـه هدمـتـه