البارحة ما نــــــــــــمت ليلي طويلي = حلو الكرى عن حاجر العين مصدوف
أقوم وأقـــــعد ضـــقت وإنهد حــيلي = مثل السجين اللي على الظلم موقوف
تكفين يا بنت الـــــــــرجال افزعيلي = صبري قضى من كثرت الغيض ماشوف
اسباب نــــاسٍ مــــاتـــــعرف الجميلي = ســود الضــــغاين لا أمانه ولا خــوف
وقفت مــــــــعهم ما قــــــــفٍ مستحيلي = موقف عريب أصلٍ على الطيب معسوف
على شــــــرف ما أميـــــل ولا أستميلي = الـدين يحـــكمني وعــــــادات وظــروف
اشتلت حـــملٍ فــــوق حـــــملي ثقيلي = همي رضاهم لا رضوا مالي حسوف
مـــــار انـــــكروني بــين يـــومٍ وليلي = مــــا كن فـــيهم يوم ســـويت معروف
الطــيب بالأنــذال مـــاله حصـــيلي = سراب صيفٍ ماارتوى منه ملهوف
رفـــع مـــــــعدلهم زمــنا الــــبخيلي = صاروا معازيبٍ عقب ماهم ضيوف
يالــيت لــــهم رمــز والا دلـــــــيلي = عـلامةٍ يـــعرف بها بـــارد الجــوف
حتى الردي ما نعترض له سبيلي = من راح منهم راح بالفين ذالوف
شـــــراذمٍ تـــــحط وإلا تـــــــشيلي = لا عدلوا مايل ولا لــموا صــفوف
انـــــــا فــــؤادي يالكحيلة علـــــيلي = ما أنلام لو خرجت عن كــل مــالوف
لازم نــواجه قــوم قـــالٍ وقيــــــــلي = صبرٍ عليهم ذل مـــاهو بمـــــخلوف
يا بنت حــــــــــرب مزبنين الــــدخيلي = يوم القبايل بين مـــنكف ومـــــــنكوف
لـــــوفي رقبـــــــــته دم حــــــرٍ قـــــتيلي = ما حد يــطوله حـــــال من دونه سيوف
لاذ بـــــحجى حيــــدٍ ظـــــلاله ظلــــيلي = نقضْ عِقدْ حبل ٍعلى العــنق مـــــلفوف
يــــاللي تبــــــي تـــقص دربــــه هبــــيلي = ريح ضـــميرك وإتركه ما انـت مكلوف
حــــرب الحـــرابة ما تــهاب الـــــقبـــيلي = مــــن غــــير نــــقصٍ بالقبايل بــــهم نـوف

يـا مرحبا عـداد وبل المـخيلي=باللي لها عذب المثل صرف مصروف
شموخ جتني بالمثل تشتكي لي=عن حالها اللي صار بالهم مزروف
تقول ضاع الجهد واعزتي لي=وانا اجهله وضعٍ لها صار مأسوف؟!!
لكن على مبد ت بحرفٍ جميلي=بنصح لها والطيب ماهو بمحسوف
لو ضيعوه اهل الحكي والنقيلي=ماضاع عند الله لو دمع مذروف
يبقى لنا في يوم وصفه مهيلي=مكتوب بكتابٍ على الكتف مصفوف
واهل النقيلي جمرة با لشليلي=لاهوبها يعمي من الناظر الشوف
سوسة نخل ترعى جذوع النخيلي=واجب محاربهم على كل عاروف
واخسهم جاسوس نذلِ عميلي=ضحاك وجه وبالقفا سيف لاهوف
الله المثله عن وطنا يزيلي=وانتي وانا قدامانا ناس وسلوف
منتي بوحدك وافهمي وفطني لي=لابد من يوم الكفن فيه ملفوف
على الجسد وموادعين الخليلي=يابنت هذا شي للناس معروف
قبل امس ودعنا رباح الجميلي=عليه تبكي حرب وتصفق كفوف
نادر وجود ولا لوصفه مثيلي=انا اشهد إن فقده خسارات وحسوف
من روس حرب مدلهين الغفيلي=وضحٍ رعن قفرٍ من القوم محيوف
حامينهن في حد سيفٍ صقيلي=حده من راقب العد دوم مرعوف
فوق المهار منسفات الشليلي=قبٍ غذاها للقاء كل مزغوف
الخيل منه يرتكبها جفيلي=يالوف قلبي اللي وقف قدمهم لوف
وادي الرشىا يشهد واقول انشدي لي=الفرع مع عسفان والعلم ما يطوف
في وادي الصفراء رسوم تحكي لي=تاريخهم ماهو خيلات مطروف
معروف من عصرٍ مضى و اسمحيلي=إن كان موفيت المعاني على حروف