=عبدالكريم القريقري
ياسلام الله سلام ما يعدي عن حدوده= بشتري وابيع فا الارباح واحفظ راس مالي
الجمل ماهو مجرب حد نابه في عضوده= مير ياربي توفق خير في خير الليالي
=فايزموسى البشري
ياهـلا يامرحـبـا فــي بــارق ٍ حـنـة رعــوده=ومـن يطـب السـوق يحسـب لثبـات ولزوالـي
به جمل شال الحمول وبه جمل كـل ٍ يقـوده=انته من اي الجمال إن جاتك احمول ٍ اثقالي
=عبدالكريم القريقري
البقى واللي يرحب ياعسى تشكرجهوده =عملتي سلم الجنيه ولا يجيني بالريالي
البعيراكله لكن المارد الصافي يروده =مثل ابن غانم ذياب ومثل ابو زيد الهلالي
=فايزموسى البشري
حول الطاير واقلع نزلته تشبه صعوده = لو يركز بالمدرج في نزوله مايبالي
البعير إن حن وإلا إنه هدر نقصه وزوده = عند من يعرف قصيرات الحبال من الطوالي
=عبدالكريم القريقري
الجمل اشتال حمله مايغير عن وعــــــوده = لاتلوي في رقبتك في الجنوب وفي الشمالي
من تعرض في طريقه ياسمه على خدوده = لاتلوى في حبـــالك انتــــبه ياهمــــــــــلالي
=فايزموسى البشري
ياوسيع البال من جمع على الطرقـه جنـوده=والجـنـود الــي تجـمـع لاتشـيـل ولاتـشـالـي
ماحسبت احساب من يبرد ومن يقدح زنوده=حاسب احساب الادب بالشعـر وإلا بالمقالـي
=عبدالكريم القريقري
ياحليل الشاعر اللي مايبيح في سدوده= ياخذ ويعطي على ماقيل والمقدار غالي
واعرف ان البيت مايرفع ذراه الا عاموده=والادب والشعر حطيته على مرقاب عالي