=صويلح السحيمي
ســلام الله سـلامـن فـيـه مـــن بـعــض الـعـلـوم عـلــوم=وانــــــــا مــــاقـــــول كـــــــــل الــســالــفـــه بــــقـــــول زبـــدتـــهـــا
ياشاعرنا (سعد) بعض الخطا يمحاه حب خشوم=لاكـــن اللمشـكـلـه نــاســن مــاتــدري ويــــش غلـطـتـهـا
=سعد المحمدي
هــــلا يـامـرحـبـا والـطـيـبـه ياطـيـبـيـن الــقـــوم=نرجـح يالسحيمـي مـع رجـال الطـيـب كفتـهـا
عطيناك العلوم اللي لها بين الرجال أوسوم=حقايق وانـت مفتـاح القضيـه وانـت ضبتهـا
=صويلح السحيمي
عسـا فيـك البقـا والعبـد مايهـرب عـن المقسـوم=قـطـعـنـاهـا الإشـــــاره مانـتـبـهـنـا إلــلـــون لـمـبـتـهـا
هني اللي على شان الفريضه ماهتنى بالنوم=وانـا كـم مـن فريضـه نايمـن فــي وقــت حزتـهـا
=سعد المحمدي
من أول ياقمرنا بينك وبين العباد اغيوم= وبعد نورك سطع شوف العرب وتبع لملتها
عطيتك رقم سري يالسحيمي من ثلاث أرقوم= يعيش اللي رسايلنا عرف مفتاح شفرتها
=صويلح السحيمي
دخيلك لا خسف هاك القمر لاتقتدي بنجوم=مـــادام عـيـونـك الثنـتـيـن مـاشـحــت بنـضـرتـهـا
حفظنـا رقمـك الـسـري وتبـقـى دعــوة المظـلـوم=عـســا ربـــي يكـافـيـنـا زعــــل ربــعــي ودعـوتـهــا