المهجرس=
لاهل الوفا بالوفا نهديه = للملتقى وكل شعاره
سلام ومهجرسه يبديه = فاول لحونه ومشواره
صويلح السحيمي=
درب الوفا الرجل مايغديه = والجار يشفق على جاره
يامرحبا والغلا نبديه = بمهجرس(ن) هاظت اشعاره
المهجرس=
درب الوفا كلنا نقديه = في وقتنا حاضنه داره
قليل تلقى الذي يوفيه = في وقت ماتتعب اعذاره
صويلح السحيمي=
انتم وحنا (الوفا) نشريه = والصقر فالقمه اوكاره
والحي عيبن علي ابكيه = مثل:السماء نرقب امطاره
المهجرس=
اسعد كلام العقل قاريه = والآجودي ماطفت ناره
ماكل حي النظر يرعيه = الانت ياحي محضاره
صويلح السحيمي=
ياخوك كلن على ماضيه = والحر يفهمك بيشاره
إنظر بعين العقل ياهيه = وتشوف من دون نظاره
المهجرس=
الستر ثوب الرجل يكسيه = والعاقل يبان بوقاره
وشرواك من غير ماوصيه = مايجهل القن معباره
صويلح السحيمي=
الجاهل اللي بلا توجيه = فالبرد مايشيل مطاره
حتى الوطن كان مانحميه = حرام نقرب من اسواره
المهجرس=
بلاك من جاهلٍ يعضيه = درب السنع ياخذ إيساره
قد ماتوجه مايثمر فيه = يجيك بالتايعه غاره
صويلح السحيمي=
العام لو العقـول إتيـه = إتسـوق للذنب كفــاره
واليوم عقل الفتى مرضيه = كلن يبي ختم وامــاره!!