آه من واهجاً حواسيسه بصدري=بلاني بهموم وهواجيساً هوال
لو كتمت مآبي ونقصت قدري=لاعارفاً داري ولاسائل اسوال
لو جاني نقص حطيته أسير بأسري=من شأن عين وحال وأحوال
أدراء واداري لو الناس ماتدري=قانون للرفيق والعم وأخوال
وللجار اللي حقه عالي أمري=لو جيرته يوم من شهر شوال
وللنسيب اللي كسبته بصهري=اقدره دام للقدر طرقاً أطوال
وللزميل اللي تحتمني خوته جبري=ولكل صاحب مقيماً وجوال
ولكل المجتمع تقدير نظري=ماجيتهم أجرح لو قالوا أقوال