تركي الصخري


سلام بعد الملاقا طاب = بااللي لهم عندنا تقدير
اصحابنا خيرة الاصحاب = دايم لهم باالموافا نسير
.................................................. ...................
ابو حسين


ترحيب منا لكم واعجاب = يامن لهم عندنا توقير
اهلين ياعالي الانساب = ومسطر ه باالوفا تسطير
.................................................. ..................
تركي الصخري


دام البقى والنفوس اطياب = لابدالله صفانا غير
نفتح لشرع القضيه باب = عسى نلاقى لها تفسير
.................................................. ...................
ابو حسين


عن مثلكم مالنا مجناب = وابشر بسعدك يامال الخير
اشرح وبين لنا الاسباب = من شان نعجل لكم ونشير
.................................................. ......................
تركي الصخري


الود ماشي معه بحساب = والمد وافي بلا تقصير
واليوم دون الوصال حجاب = ليش الصفا حوله تكدير
.................................................. .......................
ابو حسين


الود دايم وصل وغياب = بعد الموارد يجي تصدير
ويش الذي سبب الانشاب = لابد ترفع لنا تقرير
.................................................. ......................
تركي الصخري


يوم الزمن دوّر الدولاب = حصلنا في الهوى تغيّر
يلعبي الفاتن اللعاب = ولانفعني معه تحذير
.................................................. ....................
ابو حسين


بين المودين والاحباب = لابد تلقى لها تمرير
مد الحبل جوّد المنساب = لاسار ملزوم كيف يطير
.................................................. ....................
تركي الصخري


لاشك صيده تحت مخلاب = في شاننا نحسن التدبير
صد الغصي نقطة استعجاب = اللي تنحا بلاتبرير
.................................................. .......................
ابو حسين


لاتشقي الروح لاترتاب = قطرله الود باالتقطير
لازاد بعض الغلا ثم خاب = احذر تزيد الغلا تكرير
من لاتظرى على المرقاب = لاشك عينه لقاع البير
واللي لمد الوفا ماجاب = اعطيه من بالكم تسفير
.................................................. ...........................