ياأهل العروبه والفخر والمواقيف=الشام تنخاكـم بفزعـة عروبـه
بشار يجهل قيمة الجار والضيف=فاسق وعاصـي ماتهمـه ذنوبـه
بارقاب شعبه باطش بسلة السيف=والذنب لايوجـد ونـزل عقوبـه
اليا ذبح مسلم تقل يشرب الكيـف=ويعـذب السنـي بفـن وعذوبـه
هذا عذابه وان حصل فيه تخفيف=يعرًي المسلـم ويبـرز عيوبـه
فعل اليهود اللي بالاخبار لاشيـف=بشار جاوز فعلهـم فـي شعوبـه
طيحتك يالظالم قبل جية الصيـف=حكمك قريب وحان حزة غروبـه
لابد من فوقه تهـب العواصيـف=ولابـد للظالـم تجيلـه اعقوبـه
بشار بالاجرام مااحتاج تعريـف=ابوه قبلـه يفتخـر واضحكوبـه
بشار خايب بالخزا له تواصيـف=والعار كفولـه ولاصـق بثوبـه
ياهضبة الجولان عز المشاريـف=رصاص جيشك فوق شعبك دروبه
ياحمص دار اهل الوفا والمعاريف=ودرعا اهل التوحيد يوم اشهروبه
وحماه دار اهل الفخر والمواقيف=واللي شمال الشام واللي جنوبـه
الله يحفظكم ولا فيكم اضعيف=وقتيلكم يحصل على اجر ومثوبه