مثل الصحاري تفرح بغر السحاب =أليا نشى وأقبل يزور رمالها
تسمع لها ضحكه وسط ذيك الهضاب=ويجاوب الضحكة هدير جبالها
تشقتت من ضحكها تنوي العتاب=من شوقها للمزن تشكي حالها
ويسيل ماطرها على ذيك الشعاب=يشرب ثراها ويرتوي نزالها
وتنبت نواميها على ذاك التراب=مالي سواها ولا رضيت بدالها
تبكي ودمع عيونها قيظ السراب=أليا غدى عنها بدون وصالها
ياهل ترى نلبس لها بيض الثياب=ونقول هذا الفال جعله فالها
ولا تغادرنا وكل الشوق ذاب =وتبقى لنا ذكرى يهل هلالها