البارحه صدر قرار سعود=وامن القرادة قاسم ٍ فالي
يااحمد ولك عندي خبر ماجود=وروح معي يالصاحب الغالي
قلت الحقيقه خاطري ملهود=والحظ الاقشر جابني تالي
امن الرياض اللي به المحدود=اليا الخبر مقهور منزالي
المهنه جندي والعدد مفرود=والوضع طيب ياهوى بالي
حب الوطن في داخلي مشهود=واللي خلقني فالسما عالي
المملكه دار الكرم والجود=حتى الملك وهوا الملك خالي
اقولها وارفع بصوتي زود=في ذمتي ماجاء له امثالي
طيب ومتواضع وريث العود=قلبه على شعبه برى حالي
حب ٍ حقيقي يزدهر بورود=والشعب من ريح الزهر سالي
اللي عطا الايتام وله شهود=امن القلوب اللي لها غالي
يفداه مالي والولد مالود=والروح فدوه دون مرسالي
يوم ان قالو هالخبر ماجود=روح معي يالصاحب الغالي
قلت السعد في دارنا مسعود=جندي سعودي والسعد فالي
تمت وصلو عالنبي ياسعود=عداد نجم فالسما عالي