المشاركة الأصلية كتبت بواسطة بحر الكسره

بحر الكسره =
فيك الوصل عندنا عزه = الجود من يمكم نجنيه
اطمن القلب كل حزه = الصوت لامن وصل يكفيه
ابو حسين =
راعي الوفى دايم نعزه= وشرواك حنا ترى نغليه
دن اللحن انعشه هزه = مادامه القيل في باديه
بحر الكسره =
كيف القدر انحرق رزه = الشيط ريحه وصل راعيه
ابغاك تطلب له البزه = الجوع لا يلحقه ويجيه
ابو حسين =
زيده حطب عززه غزه = خلي اللهب يحرقه صاليه
نادي خويه الذي خزه = يطفي النار لا تشويه
بحر الكسره =
اخشى من القاف لايجزه = ومن بعدها ينتهي طاريه
لاتغرك اجسام مرتزه = ياصاح فيها المرض تخفيه
ابو حسين =
بيارق العز منغزه = مايطولها لو يمد يديه
لو كان ينقز مية نقزه = يبطي يراوح ولا يمديه