انا ابغضت بعض الناس توّي وبعض الناس = اثاريه من عامين زلّـنّ مبغضني
أنا ماسمعته مير من طبعي الحساس = روحي بوسط الجوف عنها تخاطبني
لكن وانا بدرالهبيري عريب الساس = لحط الجفا بيني ومابين مغضبني
وامشي على فالي وانادمك يالهوجاس=على وحدتي قلب العنا قام يجذبني
عن ناس قامت بلسنتها تقول امواس = تجرح ضميري كل ساعه وتشذبني
الا يافهد يامسندي ياقوي الباس =طالت علي وقام وقتي يحاربني
هات القلم ياصاحبي واجذب الكرّاس=واليا بخلت بكلمتك لاتحاسبني
انا عطيتك شور من ضامري بقياس = وبشورك اللي عام الاول مغيّبني
انا احتريتك لين خيّم علي الياس =واليا عجز شرواك يامين يطربني
درت النضر بالناس من كل نوع اجناس=ولاقيت اللي مع الناس يشبهني

ياشعري تنقالي من الدر والالماس = عساها تجملني معه يوم يندبني
ابن عمي اللي ذاخره للدجى نبراس = مقلته تزلّـف والله اللي يحاسبني
مكانتك عندي يابدر مالها مقياس =وعتاب المحب ولو قسى فيه يطربني
ومبعضك خلّه في طريقه ومابه باس=اذا شخص ماله شي عندي يفارقني
مدام اني آحطه بعيني وفوق الراس=ولافاد فيه الطيب ماهو بفايدني
وعلى طاري منادمك للهم والهوجاس=يكم ليلتن مانمت والحزن مغرقني
نمشي ليالينا تحت رحمة الاضراس=غريب ووحيد ووقتي اللي مغربني
لو تشوف حولي من يمين ويسار اوناس=ترى فيه رابع عنهم امرار يبعدني