حسـن علـي البشـري =
بعد المطر في ديارك هل=غشتك يا خالـد الرحمـه
حبيت أذكرك ؛ وعدك حل=لا يكون تنساه فالزحمـه
خالد بن عبيد الاحمـدي=
يسقي كم الله مطر لا طلّ=وكل شي ياصاحبي قسمه
صاحبك في ماقفه مااختلّ=لاجيت تبشر لك بدسمـه
حسـن علـي البشـري =
من فضله اللي جلاله جل=عمّ الديّر كلهـا وسمـه
وتكسيَّك إن كانه اِتعطّـل=معذور والحر له فإسمـه
خالد بن عبيد الاحمدي=
معلوم كلّ الضوام اتعلّ=من فضل من ينزل النّعمه
والتّكسّ شغّال والافضل=جيّتك..ليّه بها حكمه