مشعل المعبدي=
عداد ضرب المثل بالباز=اللـــي تـدمــي مخـالـيـبـه
ســلام مـنـا عـلـى فــواز=راع الوفا كاسـب الهيبـه
فواز الزويهري=
مع خالص الود والاعزاز=للي على الطيب ترتيبه
ترحيب لاهل الوفا ينحاز=صادق من القلب نطريبه
مشعل المعبدي=
دكتور فالقيل مايعتاز=مافيه شكه ولا ريبه
تبقون يلي لكم مركاز= فالقلب ثابت تراكيبه
فواز الزويهري=
راع الأدب بالسمينه فاز=ماتقصر خطاه من طيبه
حرر لنا موجز الإيعاز=وشرواك نحفظ مكاتيبه
مشعل المعبدي=
لي جرح ظني دواه أعجاز=لاجيت أدور تطابيبه
تقول ناره عليها قاز=تزيد شعلة لواهيبه
فواز الزويهري=
الـداء منـزل معـاه احــراز=بلسم على الجرح يعنيبـه
ونطلبك من دمك فبرواز=حـــتـــى نــحــلــل اتـاعــيــبــه
مشعل المعبدي=
لي سيد ظلا معي ممتاز=فالوقت دايم وماريبه
واليوم شغله معاي الغاز=وكثرة عليه الاعيبه
فواز الزويهري=
لـعــل فـوقــه حــمــل مــايــراز=خــــــــلاه ايــغـــيـــر اســالــيــبــه
ابحث عن الخافي الحزاز=ولا تـخـلـي الــنــاس تـدريـبــه