يا بنت من يثنون والوقت جافي=مصدرين الخصم غصبا بلا طوع
دون الحدود وموميات الشعافي=حــــرّابهم يشرب من المر قرطوع
حرب العراب مطرّعين الشوافي =شيْم :وجود:ودين:وسلوم:وشروع
تاريخهم بدرا من الـغـيـم صافي=مجدا تـلـيد وطيب ما هوب موضوع
والطيب غبات ومحيــــط وضفافي=ونــــهول ياردها زعاجيل وجموع
ما هـوب سيل شعيب والسد نافـي=يروي بجال وجال مضمي وممنوع
ولاصدروا عنه القـــــــــبائل عيافي =شربوا قــــــــراحه عذب ينبوع ينبوع
كــــــــــــل بحيلانه يضيف ويضافي=وياخـذ ويعطي وقت طامع ومطموع
يوم الدبايل ممـــطرات الـفـيـافـي=والامن روس الشهلف شالع ومشلوع
يا بنت قيفٍ بالردا ما يحـــــــافي=مقسومهم في الطيب مثني ومربوع
شبهّت شعرا ما دخله العــــذافي=بشعر شيخ ساطع ذكره سطــــــــوع
وجبال طيبة شامخات المنافي=وعوص القصيم اللي لها متون وفروع
بكل فعلا من فعول النوافي=لا السرو يتبعها ولا هو ب متبوع
وختامها ذوبٍ من الشهد صافي=ومسك وزباد وجاوياً فوحه يفوع