يا غايبٍ عن عيوني نـــاظر الساعـــــه
وعـــــــد الليالي وسجل فـــــترة غيابك
وارحم صحيبك وراجع مجمل اوضاعه
ان غبت ينشد عنك وان جيت هلابك
الوقت يجبر علي الهجران واوجــــاعه
والوقت يجبر عليه احسب حسابك
وانا عيوني علي شوفتك طماعه
وانت مقفي ومقفل بوجهنا بابك
ما تدري ان الحياه بالناس جماعه
بكره تجيني وانا بقول وش جابك
لا تأمن الوقت يا ابن الناس وخداعه
خلك مع قلبك ولا تهجر اصحابك
اللي ضحك لك بوجهه مخفي اقناعه
ان ما احترم لحيتك ما حشم اشنابك
واللي علي امرتك بالسمع والطاعه
واللي بكى لاجل عينك جزاته عتابك
هنا حرف القصيد اكمل لنا ابداعه
هنا حرف القصيد بصوت غنابك
كلمات
ابراهيم الحردي
خــــــاصـــــــــه جداَ