هلا والله وغلا فيك اخوي بدر الهبيري
وجهة نظرك احترمها*
انت تكلمت عن البرنامج وانه انتهى *وهذا الموضوع مايهمنا*
بقدر مايهمنا وقفتنا مع ولد عمنا
وتكلمت كذلك عن ساهر وعن البطاله وغيره*
وانا اقولك لو انك سمعت كلام الشاعر عبدالله السمين الحربي
وسمعت قصيدته اللي كانت عن الشباب واجحاف بعض الكتاب والواسطه
اللي حطمت الشباب كان غيرت رأيك*
الشاعر عبدالله آثر الشباب وهموم الشباب على نفسه
وانت شاعر وتعرف ان مثل هالاماكن يقدر يستفيد منها الشاعر لنفسه
وبالنسبه لموضوع اخونا سعد الفريدي( سدد الله دينه ) انت شاعر*
وتدري بان الشاعر هو لسان قومه ووصول الشاعر عبدالله السمين الحربي
لمراحل ابعد وظهوره مره اخرى قد نستفيد منه باي موضوع يهم ابناء القبيله
مثل موضوع اخوي سعد الفريدي او غيره وصارت قبل كذا بان احد الشعراء*طلب اعتاق رقبة احد ابناء عمومته على مسرح شاطئ الراحه
على العموم اخوي بدر صدقني لو انت مكان الشاعر *عبدالله السمين كان ماتاخرنا في دعمك اطلاقا*
واحب اطمنك بان الشاعر عبدالله راح يتطرق لواضيع تهم المجتمع ولم يتطرق لها احد من الشعراء*
وبالاخير تبقى اخ عزيز والاختلاف بالرأي لا يفسد للود قضيه*

تحياتي*

اخوك ابو انس السمين