المشاركة الأصلية كتبت بواسطة حفيد الحجيري

واحسافه على اللي شاف نفسه عليّه=يحسبنّي خسرته ما درى انّه خسرني
مقدر اقول ماله في فؤادي بليّه=كان له ود يومنّه بوده غمرني
بس لو همت به كقيس فالعامريّه=لو سهرته ليال ولو ليالي سهرني
الهيام بحدود وبه حدودي هنيّه=لا يفكر في يوم اخضعله ويأتمرني
ودام غيري تهيأ وراح له واهنيّه=شاكر مقدرّ ايامه ولو ما شكرني
بعْدْ قفتّ رحاله مالنا فيه نيّه=سهلّ الله على اللي بعدهم ما عسرني
بس قولوله اِنسى لو بغى يردّ ليّه=حيث أنا مقدر أنسى إنّه نسي لو ذكرني
وخبّروه إنّ غيره فالمعاشيق ميه=ما احتكر قلبي الا ودّ قلب احتكرني
من تخيرّ عليّه ماله إلا السويّه=طبع فيني ما اعبرّ حي ما يعتبرني
من هداني عيونه له حياتي هديه=فالوفا ما قدرني ، فالجفا ما قدرني
مدّ كفي نديّه للكفوف النديّه=الشحيحه لمصافحها محد قد جبرني
عزتي راس مالي فالليال القسيّه=ما تنازلت عنها لو عدوّي عذرني