صياف =
يا حرب يا اهل الخيل باليوم الشديد = نادوا لي الشاعرا لهاب ابا الهبه
قالوا لي انه صار قطعه من حديد = هذا يلوه به وهذا ينكبه
الهاب= :
ياللي تنادي واحدٍ ماهو بعيد = الخيل والفرسان وسط الملعبة
واللي معلمنا اللكاعة رجل سيد = وأخاف في تالي الليالي نغلبه
صياف= :
باركت لك بالعيد والثوب الجديد = قوم البسه ذالحين ولا سيبه
سلمتك البندق ولا ادري وش تصيد = وإياك تسرع بالونيت وتقلبه
الهاب= :
انته معلم منك نقدر نستفيد = يالله تخلي عودنا لحبيبه
هات السلاح وقرب الخصم العنيد = وابشر بحربي ضنكم ماخيبه
صياف= :
انته تعرف الذيب والضبي الفريد = والثعلب المكار يعرف بذنبه
خلك معي بالمشي وأصحى لاتحيد = ونقدم الفنجال للي يشربه
الهاب= :
تبى الحقيقة عندنا بيت القصيد = والجحر نعرف حيته من عقربه
حنا ترانا راينا دايم رشيد = واللي تحسبونه ترانا نحسبه
صياف= :
انتم رجال احرار مافيكم عبيد = والطيب اللي ما يغير مذهبه
اتبع طريق الناس لو انك وحيد = إلا الطريق الملتوي لا تقربه
الهاب= :
وانتم رجال كبار مافيكم وليد = لا كن دقنك وش هو اللي شيبه
ياكاتب الصندوق سجل لي رصيد = وان مارضي صياف سكر مكتبه
صياف= :
بعطيك عشر سنين بالعلم الوكيد = أما طردت الشيب ولا جيت به
الله يبارك بالذبايح والعصيد = ياكثر من يمشي بها ماينتبه
الهاب= :
انته بخمس سنين يمكنك تبيد = يطير طيرك بالسماء ماتقضبه
يامكثر الحساد مير الله عضيد = والناس كلٍ راح يطرد مطلبه
صياف =:
بعدين حرب يرفعونك لا عقيد = ويصير ثوب الهاب من فوق اركبه
عجل لي الأوراق يا ساعي البريد = تراي انا طرقي مجهز مزهبه
الهاب= :
تراك متقاعد وفي دربك قعيد = مير استغيث وشد ثوبك واقلبه