قـالــو جــديــدك قــلـت مـا فـيـــه نـفــيا=تـســمّعـــو مـــنّـي جــديــدات الاالــحان
مربـــوط ســحـري بين فــيـضــه وصــفـيا=شـــرقي عـــقارب بيــن لـــوقـــه وفـيحـان
مـــدهــــال خـشـف الريـم وقــتٍ سلــفـيا=قــبـــل التـمـدن بيــن فــله وحــيـــطـان
دوّجــتــهــا وســبـــوت الاقـــدام حــفــيا=يـــوم الـــوناســــه واكـثـر الصـيد غــزلان
نـمشي عـــلى وضــح النـــقى دون خــفيا=شـــيمه وعــفّه والـــــوعـد راس مـــابــان
والـيــــوم دور الـيـوم شــي اخـتـلـــفــيا=نوب التباغـــض صــــايرٍ بيــن الاخــــوان
وش عــــاد لــو قــــالو فــلـــوس وتـرفــيا=تـــــرا الـوناســـه ماتــقــارن بالااثــمـــان
قـــلبي عــــلـــى المـــاضي كـثير الحسفـيا=والــيـــــا ذكــرته هــــلّة الـعــــيــن ودّان
دمــعٍ غـــزير مـــن الـــمحــاجـر ذرفــيــا=أيوالله ابكــي والبــكى طــبــع الانــــسـان
لمـــن تـــذكّــر فـــايـــتـه وانــــشــغــفــيا=يبــكي عــلــى فـقـدان خـــلـه والاوطــــان
وجـدي عـــلى مــن فــوق مـتـنه نســفـيا=شـقـــرٍ معـــذّيـــهــن بــوردٍ و ريـــحـــان
هنيت منـهــو مــن ثــمــــانه رشـــفـــيا=فـــي ســـنّة الله فـــارضٍ خـمــس الاركـان