حنا قبايل حرب لاعليت الروس = نارد على الموت الحمر مانهابه
ماهمنا دنيا ولاهمنا فلوس = نعيش من بين الذيابه ذيابه
واللي يعادينا نقرب له الموس = ونسجل من الوقت هذا غيابه
رحنا لمنطقة الوفا كلنا عسوس = والكل منا فيه يشعب ركابه
من عزنا تعتز من نفسنا نفوس = ومقدارنا هامات روس السحابه
الضلم ماسجل لدينا بقاموس = نمشي على نهج النبي والصحابه
لو تجمع امريكا مع الصين والروس = نردهم مثل مرد الكلابه
ندوس من فوق الخطر كلنا دوس = ولانهاب الا منزل كتابه
اليا جرحنا جرحة السيف والقوس = واليا وفينا طبعنا لاغرابه
شيوخنا روسا تحت روسها روس = وافرادنا قوما كفو للحرابه
نوفي مع الوافي ونارن على السوس = في جمعنا بحراَ عزيزا جنابه
ومن مايعرف الطيب له عندنا دروس = مير ابقرايه وان بغى بالكتابه
ومن يفعل الناموس يجزى بناموس = وختامها نعمين في كل لابه