قالوا كبير وشيخ معروف الانساب=نسل الشيوخ ومنزله فالاشدة
قلت العفو والشيخ للمدح كساب= بالفعل ماهوقولة فلان جده
عليه واجب للقريب والاغراب = وله حق كلن من ربوعه يعده
لاجالزوم الربع ماعنه مغياب = الياقلط في لازم الربع سده
والاجنبي لاجاه ناصيه ماخاب = يوصل المعروف والجود حده
الشيخ حلال المشاكل والانشاب = ولياارتخى حبل القوانين شده
من لايصك الباب لايفتح الباب= لايفتحه قدام يعرف لرده
قالوا رفيق وقلت هم ليه اقراب = هم عزوتي مالي عن الربع صدة
مثل حصاة الدرب ماعنه مجناب = خيره وشره لك ولو قل مده
حتى ولو انه عن الموجبة غاب = لاجا لزومه لاتجي منك ضدة
قالوا صحيب وقلت ياكثر الاصحاب= لوجيت تحصي عدهم ماتعده
لكنهم وقت الملازيم غياب= ماتشوفهم لاصار فالوضع شدة
الصاحب اللي جاك قدام الاقراب = تلقاه جنبك كل ماجات ضدة
قالو شجاع وقلت للصقر مخلاب -= دايم يجيب الصيد للي يهده
ولا يجيب الا من الصيد ماطاب = الصيدة الدسمة مراده ووده
ماهوعلى صيد الدجاجةبطلاب = حتى لوان الجوع لزه وحده