يضيع الكلام حيان ويقصر التعبير = لياصار ما ننعيه شيخ واسد غابه

الله يجبر با الجميلي عزانا = ويجبر عزا حي سمع طيب طاريه
انا اشهد ان الموت عيا وعصانا = واخذ رباح الي نبا الله يخليه
شيخ عن ادنى حقوقنا ما توانا = طيب بموته كل طيب نعزيه
نجم كسفه الموت واخلا سمانا = ابكى عيون في سماها تراعيه
يا موت منت بكيفنا وبهوانا = والا بغيره واجد الي نفديه
هذا مقدرنا ومدفع لوانا = هذا رباح الي كثيره حسانيه
هذا الحصان الي مقدم خطانا = شيخ تواكب سيرته طيب ماضيه
تاريخ ابوه ومانع الغيهبانا = يا قيل مانع قالت الخيل وش فيه
الفارس الي ما تقرب حمانا = وسبلا عليها مانع اسمه مسميه
وهذا رباح الشهم خصم الهوانا = العز اشوفه شوف با اطرف حراويه
ابوك يا محمد من اوفا اومرانا = منته لحالك فاقده يوم تبكيه
تبكيه وقفات وقفها ورانا = وتبكيه فزعاته لمن جاه ناخيه
ويبكيه مسكين رفقبه ايمانا= ويبكيه محتاج فرجله سخى يديه
وابكيه ايه ابكيه واسمع بكانا = انا من الي شاهد في مباديه
وارثيه ايه ارثيه واسمع رثانا = يا كثر رثايه ويا كثر ناعيه
ووفيه لا ما وفيه وحتى وفانا = لا مقدم شي ولاهو بمحييه
عساه با الجنه بعال المكانا = بجنان خلد مجازي الخلق جازيه
هذا هو الي نقدرة ذا جدانا = وما فيه حي الا وهدام قافيه
هذا سراه وحنا بعده سرانا = والرابح الي واجب الدين موفيه