المشاركة الأصلية كتبت بواسطة صقر المراقيب

خالد بن عبيـد الاحمـدي =
سلام وابغى سرور بريـك=ياخذ ويعطي معي بالقـاف
نرقى ونسمو عن التشكيك=والصّيف يدري به الصّياف
سرور بن بريك البشـري =
يامرحـبـا والله يحيـيـك=بعداد مانسنـس الغريـاف
واعلم ترى سرور متحريك=قود المثل والقلوب انظـاف
خالد بن عبيـد الاحمـدي =
تسلم وربّي لنا يبقيـك=ياطيّب الطبـع والميـلاف
وياسرور لو بسمع بهاجيك=لمدحك عنّده مديح اشراف
سرور بن بريك البشـري=
عساك سالم ماشرّ يجيـك=يامن بكم تعجز الأوصـاف
ويالأحمدي ذا عشمنا فيـك=دايم مع الحق لك ميقـاف
خالد بن عبيـد الاحمـدي =
انصت ولا تقاطع امحاكيك=لاصار منكم يدور انصـاف
ابطلب الحـقّ ومابخفيـك=من شخص طيّب ولا ينعاف
سرور بن بريك البشـري=
عطني علومك وانا موحيك=والبينـه ماعليهـا لحـاف
إن كنت محقوق باخطيـك=وإن كان لك حق فالمشراف
خالد بن عبيـد الاحمـدي=
القيل جبته نظـم يرضيـك=منبعه نيّة وفـي مضيـاف
لاكن صديقك عجل وفذيـك=فسّر كلامي بخلف اخـلاف
سرور بن بريك البشـري=
فالمبتـدى ربنـا يهديـك=قلنا ثقيله واثرهـا اخفـاف
الحـق فالشّعـر لايطريـك=كم من عطى فالمثل محراف
خالد بن عبيد الاحمدي=
مادام خفّفتها مااشقيك=والقول نحكم عليه اغلاف
انا صديقك ولابعصيك=مادامي منصّبك عرّاف